Xa non queda nada para as próximas Xornadas da Lamprea en Padrón. Lembramos as próximas actividades:
Venres 2 de marzo, actividade en familia cunha ximcana.
Obradoiro aberto para toda a familia, que de xeito conxunto, poderán aprender todos os segredos que agocha a lamprea.
Realizaranse diferentes probas periodísticas, entrevistas e xogos na Biblioteca Municipal de Padrón e polo casco histórico de Padrón, descubrindo todo o que nos ofrece este animal.
Sábado 3 de marzo, curso de cociña con lamprea. Sabes limpar e preparar a #lamprea? Din que é o proceso máis importante para que a lamprea cociñada teña un bo sabor…
Este ano, e tras o éxito do ano pasado, volvemos a organizar un curso de cociña no que poderás aprender ese proceso, e ademais, poderemos formar parte dun grupo e cociñar a lamprea…
O taller, dirixido por Rocío Garrido, será o sábado 3 de marzo ás 17.00 h. As prazas son limitadas polas propias características do obradoiro, os asistentes serán por orden de inscrición.
